鶴咀- 上

今次帶大家行鶴咀海岸保護區. 怎樣去?

.

首先到香港筲箕灣巴士總站乘坐9號往石澳沙灘的巴士.
(上車時需問一問司機大哥該班次會否停站鶴咀,因不是每班次也停站鶴咀的).

這些就是高頻發射幹線,遠睇好不要行近.

從鶴咀站下車後,基本上只會見一條石屎路,大家沿路行入就正確的了.

行行吓見一樹幹長滿"木耳",這木耳該是平時吃的,但我們沒有摘下來,只拍照留念.

大家沿路直入,行大約一個小時左右會見這指示牌.之後會見海岸灘,
但第一次上載相片失敗會後補.

沿指示牌直入就是研究所,但大家留意萬勿錯過途中有一石級樓梯.

就是這樓梯,這是沒指示牌的,所以遊人好大可能沒有下去,那就錯失一大景點了.

沿樓梯向下行大約三分鐘,會見到這天然岩洞,大家小心行入去,真係要小心跌腳啊.

入到去會見這個別有洞天的岩洞,海水從另一邊不停湧入,地上的石頭已給海水磨滑.
大浪時係好有氣勢的,大家小心勿行太入會有濕身的可能.

聽夠浪聲大家就沿路上回路面直入研究所,睇個名都大有來頭,是嗎?哈

研究所後方擺有一鯨魚骨,聽說有條鯨魚閣淺後死亡,之後便將之製造成標本放在這了.

研究所還設有水質監察,當然點做我是不大清楚了,嘻嘻

還養有多種海洋生物,這是其中之一海膽.即時幻想海膽壽司,一定很美味,呵呵

由研究所後方再行入就是岩石灘,當日都好大風又大浪.

岩石都好尖吓,行既時候大家要小心慢行,唔係好易會割親手腳.

看上圖大家幻想圖中大石似什麼美味的"生物"?
蟹呀,兩邊係大蟹鉗,中間係蟹蓋上邊有蟹眼,下方中間位置就係蟹口仲吐緊泡添.

尐尐係海岸植物,專生長在海岸區的,當日就見長滿整片海岸區了.

原想一次過擺相上來的,但太多不成功唯有分上下集喇,哈哈.

這張相後補都一定要補上,因為睇到全個海岸區的風景,
那間就是研究所,仲有那鯨魚骨係側邊,大家見唔見.
仲有13張相介紹"鶴咀海岸區風景....待續.